酒造介紹：京都 伊根滿開 向井酒造

 
Photo from Hotelscombined

目錄：

酒造背景

向井酒造位位京都伊根町，有非常出名沿海而建船屋。酒造自江戶時代創業（1754年）至今二百多年歷史，現在杜氏（Master brewer)是一位女性名為 - 向井久仁子，個性非常親切，除左伊根滿開、酒造仲有傳統品牌「京之春」，年產量約400石，屬旦馬杜氏成員。

據資料收集了解，向井小姐小時候每逢冬天，都會有一大班釀酒師會到酒造釀酒，以前不少員工都是seasonal worker。

向井小姐小時後一直很膽心要繼承酒造，但當佢弟弟出生，佢就放心哂打算係大學讀自己喜歡科目，但到左考入學試時候，佢爸爸就叫佢考東農大學修讀釀造科，仲威脅佢讀呢個科先願意俾學費。向井小姐當時抱住攬炒心態就去投考自衛隊😂，好在最後無被取錄。

最後向井小姐係東農大加入左一位教授竹田正久研究新類型日本酒項目，（竹田教授對日本酒貢獻良多，除左研究清酒酵母特性、瓶內二次發酵、紅米釀造等）。修讀完後，向井小姐去左神龜酒造實習，但被父親迫切召喚，係神龜留左短時間就返屋企幫手了，當時只有22歲。

回酒造第二年向井小姐23歲😱當上了酒造杜氏（直到2020年做左22年），當時女杜氏不太普及，更慘係😭所有釀造師都一齊忽視佢、杯葛佢、唔同佢溝通，經過一番了解，最主要原因係不信任佢經驗、能力；而向井小姐好希望將農大所學、新想法應用係自己酒造，可惜當時都一一被拒絕、忽視。😢

更甚嘅係當時燒酎銷量剛好超越清酒，好多酒造所造清酒賣唔出，甚至破產，而向井酒造亦無法俾員工繼續留宿，要佢地出去住。種種改動令員工同向井小姐關係越來越差。😖

當時向井小姐感到無助，幸得其他酒造前輩得到解囊。向井小姐為同社員修補關係，自己做哂所有釀造準備功夫成功打動社員，而隔離酒造前輩亦來幫佢一把，向社員解釋向井小姐所創造紅米酒絕對可行，為酒造士氣注入強心針。直到今時今日，經過種種困難令向井酒造建立左齊心團隊。

社長最欣賞就係佢嘅展望：「向井小姐希望做到係俾所有人感愛日本酒嘅多樣性，而唔係隨波逐流，做trendy 嘅酒」😭😭😭

清酒推薦

以古代米 造出 赤紅的清酒 「伊根滿開」

伊根滿開採用兩種酒米，分別係 京都70%精米嘅「祝」同90%精米古代米種「紫米」(好黑啊）😂。

Photo from Aura.tw

清酒釀造很少會遇到用紅色米種，藏主早年遇上東農大教授，并受其鼓勵開始創造左呢款紅米酒，而呢款紅米亦係伊根出產，所以命名呢款酒做「伊根滿開」，即是伊根呢個地方盛開感覺。

清酒有濃郁平衡甜酸感，如車厘子、石榴、雲呢拿香氣，入口豐富旨味。

配餐推介：

酸甜度充足 冷暖飲皆可，社長於東京以暖飲 闊口陶瓷杯 配搭咖喱飯 一試愛上😍😍😍‼️常溫出奇地 配少少肥蜜汁叉燒 又有精彩表現，外國有朋友推薦同dark chocolate 做個pairing一樣精彩👏🏻